مباپێ و کەین چاوەڕێی هالاند دەکەن بۆ یەکلاییکردنەوەی پێڵاوی زێڕینی زستانە

کیلیان مباپێ و هاری کەین قۆناغی یەکەمی وەرزی ٢٠٢٥/٢٠٢٦یان لە لوتکەی لیستی گۆڵکارانی پێنج خولە گەورەکەی ئەوروپا کۆتایی پێ هێنا. لەگەڵ ئەوەشدا، ئێرلینگ هالاند هێشتا یەک یاری ماوە بۆ ئەوەی خۆی بگەیەنێتە ئاستی ئەوان یان تەنانەت پێشیان بکەوێت.

کیلیان مباپێ و هاری کەین بە تۆمارکردنی ٢٩ گۆڵ لە ٢٤ یاریدا، لە لوتکەی خشتەی گۆڵکارانی پێنج خولە گەورەکەی ئەوروپادان (پرێمەرلیگ، سێریا ئەی، لالیگا، بۆندسلیگا و لیگ ١).

لە دوای ئەوانیشەوە ئێرلینگ هالاند بە ٢٥ گۆڵ لە ٢٣ یاریدا دێت. بەڵام پێش ئاهەنگەکانی کۆتایی ساڵ، یانەی مانچستەر سیتی دەبێت لە ٢٧ی کانوونی یەکەمدا لە چوارچێوەی خولی ئینگلیزی ڕووبەڕووی نۆتینگھام فۆرێست ببێتەوە، بۆیە هالاند دەرفەتی هەیە ژمارەی گۆڵەکانی لەگەڵ یاریزانە فەڕەنسی و ئینگلیزییەکە یەکسان بکاتەوە یان تێیان بپەڕێنێت، هەرچەندە بۆ ئەمە پێویستی بە تۆمارکردنی ٤ یان ٥ گۆڵ هەیە.

بەم شێوەیە، لە ململانێی پێڵاوی زێڕیندا، تا ئێستا و لە بەشی یەکەمی وەرزی زستاندا، مباپێ و کەین وەک پێشەنگ دەردەکەون.